Американската амбасада го прекори Мицкоски за „потпалувачката реторика“

„Потпалувачката реторика на политичките лидери поттикнува страв и поделба, особено кога неточно се користат минати настани, како Нирнбершките судења, во политички цели. Таквата реторика е опасна и не придонесува за продуктивен дијалог во поглед на насоката на земјата. Од клучна важност е лидерите овде да земат учество во поцивилизиран дијалог кој ќе ја унапреди стабилноста и просперитетот на Северна Македонија“, порачаа попладнево од Американската амбасада во Скопје на официјалниот Фејсбук профил на Амбасадата.

Иако не е директно прозван лидерот на опозициската ВМРО-ДПМНЕ – Христијан Мицкоски, апелот на амбасадата на САД се однесува на неговата неумесна изјава во интервјуто на „Сител“, во која коментирајќи го притворот на Митко Чавков непосредно пред изрекувањето на пресудите за обвинетите за упадот во Собранието од 27 април, Мицкоски оцени дека тоа ќе биде „Нирнбершки процес за првпат запаметен во поновата историја на Република Македонија“.

„Имам информации дека Митко Чавков е осуден на подолго од 14 години. Очекувам вкупната пресуда што ќе се изрече ќе биде преку 100 години за сите луѓе и ќе биде практично Нирнбершки процес, осветољубие и ништо друго“, изјави Мицкоски.

Со оглед дека во Нирнбершкиот процес (т.е. Нирнбершките судења) им се судеше на видни нацисти за Холокаустот и други воени злосторства од Втората светска војна, а Мицкоски стои на ставот дека обвинетите за 27 април, по логиката на изјавата (2:15 во видеото) следува дека и нацистите во Нирнбершките судења биле невини.

Вчерашното гостување во вестите на Сител телевизија

Posted by Hristijan Mickoski on Thursday, March 14, 2019

Линк до статијата Американската амбасада го прекори Мицкоски за „потпалувачката реторика“ објавена на 365.com.mk.

Оваа статија е превземена од 365.com.mk


Оваа статија можете целосно да ја прочитате овде.

Слични статии